ვეცდები მომავალში სათაურიც და და შიგთავსიც ქართული იყოს!..

თუმცა რატომ? მგონი ზოგისთვის გამაღიზიანებელია ინგლისურის და ქართულის ერთმანეთში არევა, თუ ასეთი “ზოგი” ჩემს ბლოგს წაიკითხავს, აუცილებლად მაცნობონ

დემაგოგია – ძველი ბერძნული სიტყვა, რომელიც “ხალხით მანიპულირებას”, “ხალხის მართვას” ნიშნავს. ეს არის ორატორული და პოლემიკური საშუალებების ისეთი ერთობლიობა, რომელიც აუდიტორიის დაბნევას და საკუთარ პოზიციაზე გადაყვანას ისახავს მიზნად.

ოფიციალური განმარტება: ფაქტების და დაპირებების განზრახ დამახინჯებაზე დაფუძვნებული ზემოქმედება გრძნობებზე, ინსტიქტებზე, ხალხის აზროვნებაზე, მისწრაფებების გაღვივება გარკვეული, ძირითადად პოლიტიკური, მიზნების მისაღწევად; მაღალფარდოვანი მსჯელობის მიღმა დაფარული ეგოისტური მიზნები.

თანამედროვე გაგებით, სიტყვა “დემაგოგი” გამოიყენება შემდეგი მნიშვნელობით: “ადამიანი, რომელიც ბევრს უქმად საუბრობს”

ძველ საბერძნეთში ტერმინს არ ქონდა უარყოფითი მნიშვნელობა და “დემოკრატიულ ლიდერს” აღნიშნავდა.

რა საერთო აქვს დემაგოგიას ჩემს ბლოგთან??? მე ვთვლი რომ არავითარი ჯიბლამ თუ როკომ თუ ორივემ ერთად, აღარ მახსოვს გაიხუმრეს შენი ბლოგის მისამართი DemagogiaInc.ge უნდა იყოსო და მერე demagogia.ge დავარეგისტრირეთ წესით მომავალში გამოჩნდება ექნება თუ არა ჩემს ბლოგს საერთო დემაგოგიასთან.

სკინი დროებითია, სანამ საკუთარის დახატვას შევძლებ, უფრო სწორედ, სანამ ჩამოვყალიბდები ისეთ დიზაინზე, რომელიც დახატვიდან მეორე და მესამე დღესაც მომეწონება

რაც შეეხება კონტენტს, მოსალოდნელია სრული ქაოსი, სავარაუდოდ ვერ ავირჩევ ერთ კონკრეტულ სფეროს და ბევრ რაღაცას მივედ-მოვედები

მაშ ასე: “Hello world”  OR  ”Hello Georgia”

ლირიული გადახვევა: აშკარად მეორე მისალმება ბევრად მართებული იქნებოდა ქართულენოვანი ბლოგისთვის, თუმცა არანაკლებ ხმამაღალი უბრალოდ რაღაც ტრადიციაა სამყაროსთან მისალმება და არ დავარღვევ!

სხვათაშორის მხოლოდ ორი სფერო მაქვს შენიშნული “Hello world” შაბლონიანი დასაწყისით: ბლოგინგი და პროგრამირება, თი კიდევ რამე იცით მაცნობეთ